Atletico Madrid an tlawm

La Liga champion Atletico Madrid-in Madrid Derby-a Real Madrid 4-0 a an sawp aṭanga kar khatna lekah Celta Vigo 0 - 2 in an hneh lo.

Balaidos-ah mikhual team Atletico hian beisei an pha lo a, an chefuh thei lo. Celta-in inkhel an thunun a, first half-a goal a luh loh hnuah minute 59-naah penalty aṭangin Nolito-a'n mualneitu tan hmahruaina goal a khung a. Celta penalty hmuh danah Atletico an lungawi lo hle.

Atletico tan Saul Niguez leh Antoine Griezmannan te'n an siphurhna hun ṭha an hlah a, minute 71-naah Fabian Orellana-a'n Celta goal hnihna a khung.

Atletico-in point thum an hloh avangin hmahruaitu Real Madrid nen an inkarah point sarih a awm a, Diego Simeone team-te hian point 50 an hmu tawh.