Milan che fuh thei lo

Pathianni zan khan AC Milan-in an khelmual San Siro-ah Empoli nen 1-1 in an inhnehtawk.

Milan tan Mattia Destro leh Nigel de Jong te an inlan leh thei tawh a, January tranfer-a Roma aṭanga an lak Destro-a'n minute 40-naah Milan hma hruaina goal a khung.

Milan-in an goal an venghim zo lo a, hun tawp hma minute 20-naah Empoli tan Massimo Maccarone-a'n an siphurh a sut. Inkhelh tawp thlengin goal dang a luh belh tawh lo a, point khat ve ve an insem ta a ni.

Milan hian League game 23 an khelh tawhah point 30 an hlawh chhuak tawh a, an khingpui Empoli hian game khelh zat inangah point 24 an nei tawh thung a ni.