Bayern hmaah Shakhtar

Zanin dar 1:15 hian Champions League Last 16-ah Shakhtar Donetsk leh Bayer Munich te Donbass Arena-ah an inkhel dawn. Kartawpa Hamburg 8-0 ngawta sawptu Bayern hi rinkai zawk an ni.

FC Shakhtar Donetsk coach Mircea Lucescu chuan, "Bayern hi chak tura mi zawng zawng rin a ni a, amaherawhchu football-ah chaun engpawh a thleng thei," tiin a sawi.

Ukranian club Shakhtar hian German champion barakhaih turin theihna an nei. An striker Luiz Adriano hi Europe club liante enthlak mek a ni. Lucescu chuan, "Adriano hi ka ring tawk a ni. Player dang chu ka chhuah tir mai a, ani chu kan chelh tlat a ni," a ti.

Kum 2007 khan Brazilian forward hian Shakhtar hi a zawm a, season hnuhnung pangaah club top scorer a ni. Shakhtar-in groupstage an paltlang theih nan Adriano hian goal zawnah vawi 11 chauh petin goal kua lai a khung.

Shakhtar hian Adriano bakah an midfielder Fernando-ah rinna nghahna tur an nei a, Brazilian hian groupstage-ah a ball pass zawng zawng 94% a pass dik. Tin, captain Darijo Srna tawnhriat hi team tana pawimawh tur a ni.