Alaba-a'n Bayern contract a hnar

Bayern Munich defender David Alaba chu German champion hian an hnena cham turin contract thar zawrh mah se a ziak duh lo - German chanchinbu lar Bild chuan Alaba contract thar ziah duh loh thu hi an tarlang. 

Season hman zawh taka treble champion Bayern hian an defender ṭangkai hi kum khata euro maktaduai 11 hlawh turin an thlem a, mahse nakkum June a a contract hmang zo tur defender hian pawhsei rih loh a thlang zawk. 

La Liga club lian pahnih Real Madrid leh Barcelona chuan Alaba hi an thlithlai nia sawi a ni a, Serie A champion Juventus  hming pawh lam rik a ni - Alaba duhtu an hraw hlawm hle. 

Real Madrid full back Marcelo-a'n kum tam lam a pan ve tawh avangin Spanish club hian a hmun ruak luah turin Alaba hi an duh nia sawi a ni a, Barca lamah Junior Firpo leh Jordi Alba-ten beisei an phak loh avangin Alaba hi an duh niin an sawi bawk. 

Juventus-in tlar-hnunga an rinrawl Giorgio Chiellini leh Leonardo Bonucci-te kum a tam tawh a, full back leh centre back anga chhawr theih Alaba hian an lung a len niin a lang.