India leh Bhaker tan medal pahnihna

Manu Bhaker tih hming hi hriatreng a ni tawh ang - Indian hmeichhe zingah Olympic vawi khata medal pahnih la thei hmasa ber a ni, nimin khan 10m pistol mixed team event-ah bronze medal an kap chhuak. Inelnaah hian Serbia chuan Turkey 16-14 a hnehin an champion thung.

Pathumna zawnnaah India aiawhtu Bhaker leh a ṭanpui Sarabjot Singh te hian an elpui South Korea chu 16-10 in a hneh. Team inelna hma hian Bhaker-i hian women’s 10m air pistol event-ah bronze medal a lo hlawh chhuak tawh bawk.

Tun hmain PV Sindhu chuan Olympic medal pahnih a lo la tawh, badminton star hian medal pahnih la turin Olympic vawi hnih a hmang thung - Bhaker erawhin inelna lian vawi lian vawi khatah medal pahnih a la a ni.

Kum 22 mi Bhaker chuan, "Malsawmna ka dawn a ni, hetiang dinhmun ka thleng thei hi ka lawm. Silaimu hnuhnung ber kan kah chhuah thleng khan tisual thei reng kan la ni, chutiang karah pawh chuan chiai lo leh ṭha takin kan hlen chhuak," a ti.