US basketball team an chak nuamsa

Olympic Basketball-ah US basketball team chuan nimin khan Serbia 110-84 in an hneh. US tan Kevin Durant (23) leh LeBron James (21) te an che ṭha a, first half-ah an shoot zawng zawng an lut vek. Nikola Jokic telna Serbia tan an ṭha mah mah.

Inelnaah hian team 12 an tel a, group pathumah pali zela semdarh an ni. Group khat aṭangin pahnih ṭheuhin quarterfinal an lut nghal ang a, pathumna zinga ti ṭha pahnihin knockout stage hi an lut ve bawk ang.

Tun ṭum US basketball team-ah star rual thlanchhuah an ni a, bul ṭantute pawh LeBron, Stephen Curry, Joel Embiid, Jrue Holiday leh Devin Booker te an ni.

Kum 39 mi LeBron-a'n Olympic gold medal vawi hnih la tawh mah se chawlh mai a la tum lo a, a lungthu kimna turin Paris a pan. LeBron hi Olympic-a billionaire tel hmasa ber a ni nghe nghe.

Tun ṭum US team hi 1992 Olympic-a gold medal latute Dream Team hming lem an vuah 'US Team' ten an khai khin hial. 92 Olympic-ah khan Michael Jordan, Magic Johnson, David Robinson, Patrick Ewing, Larry Bird, Scottie Pippen, Clyde Drexler, Karl Malone, John Stockton, Chris Mullin, Charles Barkley leh Christian Laettner te an tel a ni.