Mizoram cadet team zin chhuak

7th National Cadet Taekwondo Championship khel turin Mizoram aiawh mi 14 ten nimin khan Aizawl an chhuahsan. Inelna hi August 2-4, 2024 chhungin Visakapatnam-ah neih tur a ni.

MATA Hall, Republic Vengthlangah Mizoram aiawh turte thla khat chhung training an nei a, thlahna hun pawh helai hmunah hian an hmang. Mizoram team-ah hian Kyorugi (fight) khel tur mi pariat leh Poomsae (form) khel tur mi pali an awm a; coach Lalthlamuanpuia leh manager Doris Lalhmangaihzuali ten an hruai. Mizoram aiawh hian National referee Lalinpuia pawhin championship inkhel a endik bawk ang.