Beitia leh Punjab FC an inhnaih

I-League club Punjab FC chuan season hmasa I League a Mohun Bagan champion nana player thawhhlawk tak Joseba Beitia chu an dawr mek a, he thuziak i chhiar meuh chuan contract an ziak fel tawh hial ang. 

Kum 29 mi Beitia hian season hmasa I League-ah khan Bagan tan match zawng zawngah bul a ṭan a, Kerala Blasters coach thar Kibu Vicuna enkawlna hnuaiah Bagan tan player ṭangkai a ni. 

Punjab FC hi a hma chuan Minerva Punjab hming puin I League-ah an inlan ṭhin a, mahse sumdawng lian RoundGlass chuan Punjab club hi neitu pumhlum nihna nei turin an lei. 

RoundGlass hian pawisa an neih tam avangin Indian Super League pawh an thlir lawk nia sawi a ni a, ISL khelh tumin season khat hnuah sum thehchhuah an tum niin Vanglaini chuan thu a dawng.