Mizoram tan theihna lantir hun

Junior Boys' National Football Championship for Dr B.C Roy Trophy 2024-25-ah Mizoramin vawiin tlai dar 3:00 hian Uttar Pradesh an hmachhawn dawn. Lalrozama Fanai hote an vanduai a, match hmasa berah Odisha 3-2 a an hneh loh avangin semifinal luh beiseina an nei tawh lo.

Group A-ah hian SAI an inlan theih loh avangin team pathum Odisha, Uttar Pradesh leh Mizoram te chauh an awm. Odisha hian group match khel zo tawhin hnehna an chan ve ve avangin semifinal an lut tawh.

Mizoram tan erawh mualphona hliah khuh nan Uttar Pradesh lakah an theihna lantir a ṭul. Odisha lakah Mizoramin bul an ṭan ṭhat loh an tuar a, goalkeeper chetsual avangin goal thum an chhuah a, second half-ah insiamṭha mah se an tho chhuak thei tawh lo.

Rozama hote hian vanduai vanga tla an ni tih lantir nan Uttar Pradesh lakah Odisha chakna zat 3-1 aia tama an chak a pawimawh dawn. Inkhel hi TGS Live YouTube channel-ah a en theih ang.