Olympic-ah raipuar!

Egyptian fencer Nada Hafez chuan Paris Olympic-ah medal la phak chiah lo mah se, a hnu lama a chanchin a tarlan chuan sawi zui a hlawh hle, thla sarih mi nau pai chungin Olympic a lo hmachhawn a ni.

Kum 26 mi Hafez-i hi a match hmasa zawkah chuan a chak, mahse last 16-ah a chak lo thung. A tlak hnuah Hafez chuan, "Keimah chauhin inelna kha ka hmachhawn lo, kei leh ka fa lo piang mai tur nen kan ni zawk.

"Ka fa pai lai nen taksa leh rilru lamah chona hautak tak kan hmachhawn a ni. Hetiang ka tih theih nana min thlawptu ka pasal Ibrahim Ihab chungah pawh ka lawm," a ti.

Cairo lam chhuak Hafez tan Olympic hi thil thar a ni tawh hran lo, infiamna khawmpui lian berah hian tun hmain vawi hnih a lo inlan tawh bawk, tun ṭum hi a vawi thumna a ni.