TNT tan weightlifting bungrua hlan

India Weightlifting President Sahdav Yadav chuan Thutak Nunpuitu Team (TNT) hman turin weightlifting hmanraw chi hrang hrang pheikhawk, lifter inthuamna leh t-shirt 30 ṭheuh a rawn thawn. A thil thawnte hi Mizoram Weightlifting Association (MWA) hruaitute chuan nimin khan an hlan.

Mizoram Sports Conclave neih hmasak ber ṭum khan Sahdav Yadav hi Aizawlah a lo kal, hemi ṭum hian MAW te chuan TNT Weightlifting Center an tlawhpui. TNT hi hnuchham enkawlna hmun ni mah se weightlifter chher chhuahna hmun a ni tel bawk.

MWA aiawh hian Lallianṭhuama, president; Malsawma Khiangte, general secretary leh K. Zonunsanga, SYS weightlifting coach ten bungrua hi an hlan a, bungraw petu Sahdav Yadav chungah an lawm hle tih an sawi.

Tun hnai khan MWA hian chanchin lawmawm an nei bawk. September thla tir lama neih tur Commonwealth Junior leh Senior Championship hmachhawn turin Lalruatfela chu a tling a, ani hi 89kg huangah a inlan ang.