Grealish-a'n hrehawm a ti

Manchester City midfielder Jack Grealish chuan Euro 2024 khel tur zinga Gareth Southgate-a'n a ko lo chu hrehawm a tih thu a sawi chhuak.

Kum 28 mi Grealish chuan, "Thudik sawi chuan, ka football career-a hrehawm ka tih ber a la ni. Ka kehsawm a ni ber. Chawlh hmang mah ila hahdamna a awm lo, kalna apiangah TV emaw phone-ah emaw a lang zel si. Hmuh loh kha a theih loh," tiin hrehawm a tih thu a sawi.

Euro 2020-a England-in final an thlen ṭum khan Grealish-a'n hmun pawimawh a chang pha a, Premier League-ah Manchester City champion pui mah se England squad-a awm nan a tawk lo.

Southgate-a'n Grealish hi preliminary squad-ah a telh a, Bosnia and Herzegovina nen friendly match an neih ṭumin khel mah se player 26 zingah telh a ni lo.

Grealish chuan sawi chhunzawmin, "Tuna ka harsatna tawh hi infuih nan ka hmang ang. Kum hnih liam taa ka rilru put hmang ang kha neih leh ka tum," tiin Man City tana ṭha zawka inlan a tum thu a sawi.