England an inpeih tawh

An world cup match hmasa berah England an mualpho a, World Cup thleng­tu pakhat zawk Australia-in an sawp.

Mahse, he result duh­awm lo hi an theihnghilh tawh a, New Zealand hmachhawn turin an inpeih tawh thu all-rounder Moeen Ali chuan a sawi.

Pakistan chhulchhuak, England khua leh tui nihna nei Moeen Ali chuan, "Kan hma bakah in­khelh tur tam tak a la awm a, match pakhat vang lek a hnual mai tur kan ni lo. Australia kha team ṭha tak an ni a, New Zealand pawh Australia ang tho a team ṭha an ni a, hneh turin kan theihtawp kan chhuah ang," a ti.

Ali chuan, "Kan chak thei a nih chuan mi tamtakin keimahniah rinna an nghat leh thei ang a, kan ṭhatzia hi mi in an hmu thei dawn a ni," a ti.

Zirtawpni zing dar 6:30 hian England leh New Zealand te hi Westpac Stadium, New Zealand-ah an in hmachhawn ang.