Villa hi ka kaihhruai dawn - Sherwood

Aston Villa manager thar Tim Sherwood chuan Villa enkawl hna chu a kutah a awm tawh a, a thu ber thu a sawi.

Sherwood chuan, "He hmunah hian dinhmuh pawimawh tak luah turin ka lo kal a, club enkawl hi ka hna a ni ang. Player ṭhenkhat beisei ang a khel ṭha rih lo ten ngai an awh leh theih nan theih tawp kan chhuah ang. Club lian tak pakhat aṭangin club lian takah tho ka lo kal a, ka phur tawh khawp mai. Ka theihna zawng zawng Villa tan ka hlan ang a, Premier League kan khelh chhun zawm zel theih nan theihtawp ka chhuah ang," tiin a sawi.

Kum 46 a upa Sherwood hian Paul Lambert-a hmunruak chu Inrinni aṭang khan a luah ṭan. Villa hian an manager hlui Lambert-a hnuaiah tun season an hmang ṭha lo a, table-ah 18 na niin division hniam a tla thei dinhmunah an ding mek.Tun season-ah goal 12 chauh an la khung a, an club history-a goal an khung tlem ber ṭum a la ni.

Manager thar Sherwood hnuaiah beiseina thar nen bul an ṭan chho leh mek a, Sherwood an lakluh hnu a an game hmasa berah Pathianni khan FA Cup-ah Leicester 2-1 a hnehin quarterfinal an lut.

FA Cup quarterfinal kha nikum December 7 hnua an home-a an chak lehna hmasa ber a ni a, tun season-ah Villa Park-ah vawi hnih chauh chak result an la nei thei a ni.