Kar ruk chawl tur Muniesa

Stoke City defender Marc Muniesa chu malpui tha na avangin kar ruk a inkhel thei dawn lo.

Inrinni zan khan FA Cup fifth round-ah Stoke hian 1-4 in Championship club Blackburn Rovers an hneh lo a, an vanduaina belhchhah turin an defender kum 22-a upa Muniesa chu malpui tha na vangin an chan zui bawk.

Stoke assistant coach Mark Bowen chuan, "A dinhmun a ṭha lo hle a, endik a nih hnuah kar ruk chhung a inkhelh theih loh tur thu kan hre zui a ni. February 16 khan Doctor a hmu a, enkawl zui nghal a ni. Tunah chuan ṭha tak a a inenkawl kan duh a, a rang thei ang ber in field-ah hmuh leh kan duh a ni," tiin Muniesa chungchang a sawi.

Barcelona defender hlui hian kum 2013 khan Stoke hi a zawm a, tun season-ah a club tan ṭum 19 a inlan tawh.

Stoke forward Jonathan Walters leh Peter Crouch te chu Thawhṭanni khan Doctor an hmuh hnuah training an zawm leh thuai thei tur a ngaih an ni. Stoke hian an player pawimawh Bojan Krkic chu khup hliam vangin tun season chhung an chhawr thei dawn lo.