New Zealand-in Scotland an sawp

ICC World Cup-ah a thlengtu pakhat zawk New Zealand an che ṭha tluang zel a, an match hmasa bera Sri Lanka an hneh hnuin Scotland an hneh leh a, vawihnih khelh tawhah vawihnih an chak.

Scotland hian New Zealand hi an ngam lo hle a, 36.2 over-ah an vaiin an out vek a, run 142 an tlin. New Zealand in hei hi an um a, over 24.5-ah mi pasarih hlohin run 146 an siam a, harsa lutuk lovin wicket thumin hnehna an chang.

He inkhelah hian Scotland chuan World record duhawm lo tak mai Sri Lanka leh Pakistan ten an chelh lai chu an nih rual a, an players pali chu ball an hmachhawn hmasak berah run siam loin an out nghal vek a ni. Sri Lanka chuan kum 1999 Pakistan an hmachhawn tumin he record duhawm lo hi an lo siam tawh a, Pakistan chuan kum 2003 khan England an tum ṭumin he record duhawm lo hi an lo chhunzawm ve tawh bawk a ni.