Yuvraj-a'n a hlawh hnem dawn
February 16 a India Premier League auction neihnaah Yuvraj Singh a langsar fal a, Delhi Daredevils chuan vaibelchhe 16 sengin an club tana khel turin an lalut hem mai.
World Cup squad-ah a tel pha lo a, World Cup squad-a a tel loh chhanah Yuvraj Singh-a pa Yograj Singh chuan India captain M S Dhoni puhin na takin a sawisel hial. Mahse, World Cup-a a lan phak loh hian nghawng a nei lem lo a ni ang, kumin 2015 IPL atan Yuvraj Singh hian chhangtu a nei huai ber a ni. Hei hi IPL record-a chhangtu nei huai ber record a ni nghal bawk.
Yuvraj hi nikum khan Royal Challengers Bangalore chuan vaibel-chhe 14 in an lo chhang tawh bawk. Yuvraj ang thoa World Cup squad -a tel pha lo Zaheer Khan chu vaibel-chhe li in Delhi Daredevils hian an lalut bawk.
Yuvraj Singh hnaih zual tu te chu RC Bangalore in vaibelchhe 10.5 senga an lakluh Indian player tho Dinesh Karthik leh Delhi Daredevils in vaiblechhe 7.5 senga an lakluh Sri Lanka captain Angelo Mathews te an ni.