Beisei pha lo pahnih inkhel Pakistan vs West Indies

Naktuk zing dar 3:30 hian India laka mualpho Pakistan leh West Indies te Hagley Oval, New Zealand-ah an inhmachhawn ang.

Inkhel tur team pahnih hi an World Cup match hmasa zawkah an chak zo lo ve ve a, an tlawm dan zahthlak hle. Pakistan hian an match hmasa berah World Cup-a a vawi ruk nan India an hneh lo a, Pakistan fan te'n an player-te an sawisel nasa hle.

West Indies hi an match hmasa berah an hneh ngei tura ngaih Ireland hneh loin an mualpho. Bat hmasa zawkah ṭangin run 305 lai target siam mah se Ireland an in umphak tir leh a, an bowler ten sawiselna nasa tak an tawk.

Team pahnih tun hnaia che ṭha lo ve ve an nih avangin chak tur zawk sawi thiam a harsa a, Pakistan tan captain Misbah Ul-Haq chet ṭhat a pawimawh dawn. West Indies lam pawh an bowler-te an insiamṭhat a ṭul ang.