Kum hnih hrem tur Herzog

Netherlands infiammi tlan chak Adrienne Herzog chu damdawi hman phal loh a hman avangin thunun a ni a, kum hnih chhung inelna a hmachhawn thei dawn lo.

Kum 2014 March-a test an neih ṭan result chu tihchhuah a ni a, damdawi hman phal loh a hmang tih hmuhchhuah a ni. Herzog hian May 14, 2016 thleng hrem a ni ang.

Herzog hian kum 2009 leh 2012 khan European Cross Country Championship-ah bronze medal a lo dawng tawh a. Ṭum sarih lai Dutch national cross-country champion a lo ni tawh bawk.

Herzog chuan, "Tun thla 10 liamta kha ka tan chuan hun harsa leh hrehawm ber a ni hial ang. Thu dik hailang turin ka theih tawp ka chhuah ve a, ka fihlim a ni tih lanna tur chi hrang hrang ka neih ve te chu vanduai thlak takin hnawl a ni. Min hremna hi a tawp hunah intlansiak turin ka lo kir leh anga, a hma aia ṭha zawkin ka lo kir leh ka beisei a ni," tiin a sawi.