Gerrard a captain lo ang - Keane

Los Angeles Galaxy captain Robbie Keane chuan Liverpool captain chuan an team a rawn zawm hunah captain armband chu a lo hlan chhawn loh tur thu a sawi.

Tottenham Hotspurs striker hlui Keane chuan, "Kan club-ah hian captain turin a lo kal dawn lo a, player pawimawh ni tur leh kan squad min ti chak turin he hmunah hian a lo kal dawn a ni. Gerrard nen pawh kan inbe tawh a, kan hnen a lo kal a chak tawh hle a ni," a ti.

Kum 34-a upa Gerrard hian January khan Galaxy tan kum khat leh a chanve daih contract a ziak a. Tun season Premier League khelh lai hi a zawh hunah Liverpool tana a contract chu a tawp ve tawh dawn a, chumi hunah chuan Gerrard hian a hmangaih hmasa kalsanin United States a pan ang.