Kelly Sotherton-i gold medal an ruk sak

Kelly Sotherton-i'n 2006 Commonwealth Games, Melbourne-a a gold medal dawn chu misualin an ruk sak thu nimin khan twitter-ah a tarlang.

Sotherton-i gold medal hi Sutton Coldfield, West Midlands-a a chen­na in aṭangin misualin an rawk a; gold medal bakah hian laptop leh pawisa an lak sak a, police pawhin he thu hi an finfiah tawh a ni.

English athlete Sotherton-i hi heptathlete leh 400m sprinter a ni a. Heptathlon-ah 2004 Summer Olympics khan bronze medal a lo dawng tawh a, 2008 Summer Olympics khan palina dinhmuna luah tawh bawk.

Kum 2006 Common­wealth Games Melbourne a neihah khan heptathlon inelnaah England tan gold medal a lo dawng tawh. A medal dawn hi international level a gold medal a dawn hmasak ber leh dawn awm chhun a ni ta a ni. 2012 London Olympics-ah khan inhliam vangin an ram ai a awhin a inlan thei lo.