Khel ṭha UAE chak zo lo

Nimin khan ICC World Cup Group A inkhelah Zimbabwe-in an khingpui United Arab Emirates chu wicket li in an tlawm.

Saxton Oval, New Zealand-a inkhelah hian bat hmasa zawkah UAE an cheṭha a, over 50-ah mi pasarih hlohin run 285 an tlin.

An match hmasa zawka South Africa laka tlawm Zimbabwe tan target huphurhawm tak an siamsak.

Zimbabwe-in theihtawp chhuahin an target an um. An bowler te che ṭha lo mah se an batsmen-te che ṭhat zarah over 48-ah run 286 siamin mi paruk an hloh a, wicket li in chak zawkah an ṭang ta a ni.

Zimbabwe tan Sean Williams a khel ṭha hle a, ball 65 a hmachhawnah run 76 a vawchhuak a, a tawp thlengin a dam bawk.