Richards-a'n City a la hre reng

English defender Micah Richards chuan Italy nuam a tih thu a sawi rualin Manchester City a la ngaih reng thu a sawi.

Richards hian nipui tranfer khan free transfer-in Manchester City aṭangin Fiorentina a zawm a, Italian club tan hian player pawimawh a ni. Nizan khan Europa League Last 32-ah Fiorentina hian Tottenham Hotspurs an hmachhawn.

Fiorentina defender Richards chuan, "City hian sum ṭhahnem tak hmu lo se chuan ka captain theih tawh ka ring a, ka chhuahsan ka ring lo bawk. Kum nga liamta khan Chelsea emaw Manchester United emaw pawh ka zawm thei a, amaherawhchu kum 17 chauh ka nih lai aṭang tawha min ringtu City phatsan kha ka duh lo," tiin a ṭhat vanglaia City chhuahsan loh thu a sawi.

Richards chuan sawi chhunzawmin, "City-ah hun rei tak ka cham a, coaching staff ni loin scout anga let leh chu a châkawm khawp mai. City hi ka hmangaih a, fan-te pawh kan chungah an ṭha a ni," a ti.

Kum 26-a upa Richards hian England tan ṭum 13 a khel tawh a, a khelh hnuhnun ber erawh caretaker coach Stuart Pearce-a hnuaiah niin kum 2012 daih tawh kha a ni.