Thiago-a'n hma a sawn

Bayern Munich midfielder Thiago Alcantara chuan Spain chhuahsanin Germany a pan. Spanish midfielder hian nikum October thla khan a khup hliam vanga zai a ni a, tunah hian a la inenkawl chhunzawm zel.

Thiago chuan, "Hun harsa tak ka tawh laia min ṭawiawmna avangin ka lawm a, tunah chuan Munich-ah ka awm leh tawh e," tiin twitter-ah a ziak.

Barcelona player hlui Thiago hian Bayern a zawm hnuah ṭum thum a khup a ti hliam tawh a, khelh hma tir an tum luatah nikum October thla khan a ṭhum thum nan a khupah hliam a tuar.

Thiago hian Allianz Arena-ah hian June 2017 thleng contract a nei a; Bayern tan inelna hrang hrangah ṭum 25-a a inlan tawh a, goal thum a khung tawh.