Mario Balotelli nen kan khel dun thei - Sturridge

English forward Daniel Sturridge chuan Mario Balotelli nena khelh dunna hun an neih chuan an inkawp rem theih a rin thu a sawi.

Liverpool striker Sturridge hian hun rei tak a inhliam hnuah club tan

ṭum nga a khel leh tawh a, minute 90 chhung khelh tluan la nei lo mah se goal hnih a khung tawh bakah assist vawi khat a nei tawh bawk.

Sturridge chuan, "Mario nena khelh dun hi nuam ka ti. Kan inkawp leh kawp loh chu coach thutlukna a ni a, kei chuan striker dang ang thoin harsatna ka nei lo. Striker ṭha ni tur chuan player engpawh khelh pui theih a ṭul a ni," tiin a sawi.

Inhliam ngun tak Chelsea forward hlui Daniel Sturridge chuan, "Harsatna leh hlauhthawn tur ka nei lo. Tun dinhmunah chuan inkhelh nuam ka ti leh tawh khawp mai," tiin fitness lama harsatna a neih loh thu a sawi.