Chelsea Vs Burnley

Hmahruaitu Chelsea-in anmahni hnaih bertu Manchester City aiin point sarih an sang a, zanin dar 8:30-ah Stamford Bridge-ah tlak hlau Burnley an mikhual ang.

Champions League-ah Branislav Ivanovic goal hmangin Jose Mourinho team-te hian France-ah Paris St Germain an draw hram a, March 11-ah an khelmualah last 16 second leg hi khelh leh tur a ni. London club supporter-te hi Paris-ah racism vangin an mualpho a, FIFA president Sepp Blatter leh British prime minister David Cameron te meuh pawh fan-te chet dan an dem thu an puangchhuak hial.

Chelsea-in Paris-a an mual­phona hi field chhungah siam­ṭhat an tum dawn a, Ramires aiah Oscar-a'n starting eleven a chan rin a ni. Tlar hnungah contract thar beisei John Terry kawppui turin Gary Cahill aiah French defender Kurt Zouma a luh beisei a ni a, ngaihven hlawh erawh keeper tur a ni. Portuguese manager Mourinho-a'n veteran keeper Petr Cech leh Thibaut Courtois karah duhthlan tur a nei a, keeper pahnih hi an game hnuhnung berah an che ṭha ve ve.

Burnley leh Chelsea te hi season opening match-ah an inkhel a, Turf Moor-ah Chelsea 3-1 in an chak.