Van Gaal-a'n Rooney striker-ah a chhawr dawn

Manchester United-in Liberty Stadium an tlawh hunah captain Wayne Rooney chu a awm thiamna ber striker position-ah a awm beisei a ni. Rooney hian United tan match 456-ah goal 225 a khung a, club history-ah amah aia khung tam pahnih chiah an awm.

United tlar hmaah Robin van Persie leh Radamel Falcao te an awm dun fo a, kum 2015-ah forward pahnih hian goal li chiah an la khung.

United khingpui tur Swansea hian season tharah European competition khelh tum mah se match hnuhnung pasariha vawi khat chiah an chak avangin table-ah 9-naah an awm mek.

Season tirah Gylfi Sigurdsson leh Wilfried Bony te tlar hmaah an hlawtling viau a, Bony chhuah hnuah Bafetimbi Gomis-a'n match ruk chhungin goal a la khung lo.

Garry Monk-a team hian United hi season ṭanna inkhelah 2-1 in Old Trafford-ah an hneh.