Manchester City tan Bony

Champion lai Man­chester City-in Newcastle hmachhawn turin an player pawi­mawh Yaya Toure bakah an player thar Wilfried Bony an chhawr thei tawn dawn. Anni pahnih African Cup-a Ivory Coast champion puitute an ni.

City hian an game hnuhnung parukah vawi khat chiah chak an nei a, Nilainia Champions League-a Barcelona an hmachhawn dawn bawk avangin champion lai hian chetṭhat an ma­mawh lehzual.

Swansea aṭanga an lak Bony awm takah chuan Stoke City an hneh ṭuma inhliam Sergio Aguero an chhawr lui lo ang.

Newcastle hian ma­nager lailawk John Carver-a hnuaiah match thum chhung hneh loh an tawng tawh lo a, New­castle hotute chuan Carver hian tun season chhung club enkawl tur thu an ti chiang tawh bawk.

Table-a 11-naa awm mek Newcastle hian Bony leh Toure-te teammate Cheick Tiote chu mid­field-ah an chhawr thei dawn a, Ivory Coast midfielder hian tlar hnung a ti khawng sawt ang.