Figo-a'n campaign a ṭan

May 29, 2015-a inthlan huna FIFA pre­sident chuh tum Luis Figo chuan Wembley Stadium-ah a inthlan manifesto a tlangzarh.

Portugal captain hlui Figo hian a campaingn au hla lian berah chuan FIFA World Cup khel thei ram 32 chu ram 40 aṭanga 48 thleng a tihpun a ni.

Sporting Lisbon, Bar­celona, Real Madrid leh Inter Milan tana khel tawh Figo hian FIFA president ṭanglai Sepp Blatter paihthlak tum dawn a. Anni pahnih bakah hian Prince Ali of Jordan leh Royal Dutch Football Association (KNVB) president Michael van Praag te chu FIFA presi­dent candidate an ni bawk.

Kum 78-a upa Blatter hi kum 1998 aṭang khan FIFA president a ni tawh a, tum ṭumah hian a vawi ngana atan inthlan a chuh leh dawn a ni.

Figo campaign au hla ṭhenkhat te chu:-

1. Kum li chhunga FIFA pawisa lak luh dollar tluklehdingawn 2.5 chanve chu grassrooots football atana hman.

2. FIFA pawisa dah ṭhat dollar thluklehding­awn 1.5 aṭanga tlukleh­ding­awn khat chu national fede­ration 209 hnena sem.

3. Innelna chhunga technology tam zawk hman a, player chemawi lo te 'sin bin' hmanga hremna dan siam. Sin bin hi ice hockey inelnaah hman a ni a, player hrem chu hun rei lo te chhung field pawna chhuah tir ṭhin a ni.

4. Offside dan hmasa zawk hman a rawt bawk. Tuna offside dan hman mekah hian player chu offside position-ah pawh awm se a inrawlh loh chuan hrem tur a ni lo, dan hmasa zawkah chuan player chu a inrawlh lo a nih pawhin offside-a a chhiar tho tur a ni.