2017-ah chawlh ka tum - Bolt

Jamaican sprinter Usain Bolt chuan 2017 World Championship London-a neih chu a intlansiakna hun hnuhnung hun tur a nih thu a sawi. Kum 28-a upa Bolt hian kum 2017-ah hian 100 meter intlansiakah tel a la tum ngei thu a sawi bawk.

Bolt chuan, "Ka coach nen pawh kan sawi dun a, ka hriselna a ṭhat tawk avangin hun rei tak ka la tlan theih ngei pawh kan ring. Mahse ka kum a lo tam ve deuh tawh avangin ka vanglai pawh a liam ve mek a ni. Min sponsor-tu lam chuan kum rei zawk la intlansiak turin min duh a, mahse kan duhdan hian thil hi a kal reng thei lo fo. Tunah chuan kum 2015-a Beijing-a World Championship lo awm tur atan ka in buatsaih mek a ni," a ti.

Bolt a hnuhma lo neih tawh te:-

1. Olympic gold medals: 100m, 200m & 4x100m - Beijing 2008; 100m, 200m & 4x100m - London 2012

2. Eight World Championship gold medals: 100, 200m & 4x100m - Berlin 2009; 200m & 4x100m - Daegu 2011; 100, 200m & 4x100m - Moscow 2013

3. One Commonwealth Games gold medal: 4x100m - Glasgow 2014

4. World records: 9.58secs (100m); 19.19secs (200m)