Feyenoord fans leh Police intibuai

Ningani zan khan AS Roma leh Feyenoord te Europa League Last 32-ah 1-1 in inhnehtawk a. Inkhelh hmain Stadio Olimpico Stadium pawnah Dutch club fans leh Italian police-te inkarah buaina a chhuak a, Police-te'n tear gas an hmang hial.

Feyenoord fan-te hian beer bottle leh thil chi hrang hrang hmangin Police-te hi an bei a, building tihchhiat an nei nual. Italy police te tarlan danin buaina avang hian mi 22 lai man an ni.

Rome sorkar official Livio Ricciardelli chuan, "Feyenoord hian an fan-te chet mawi lohna vang hian pawisa an chawi ngei tur a ni a, khawtlang mipui te hnenah ngaihdam an dil ngei bawk tur a ni," a ti.

Rome khawpuiah hian Feyenoord fans 7,000 vel inkhel en tur hian an kal nia chhut a ni.