Season bul ṭan lo tur Leny Yoro?

Manchester United defender thar Leny Yoro chu ke hliam vangin a inkhel thei lo mek, nimin a video darh aṭanga a lan dan chuan Premier League season tharah a hmel kan hmuh theih nghal a rinawm loh.

Arsenal leh Man United inkhelh ṭumin Yoro hi a hliam, pound maktaduai 52 man hi nimin khan team zingah a awm a, mahse tiang pahnih hawlin a ke a rap ngam lo a, a ke na lam chi cher khawng a ni.

Man United manager Erik ten Hag chuan a defender Yoro chawlh chen tur hi a la sawi chiang chiah lo a, engtiang chena rei nge a chhawr theih dawn loh tih hi chiang taka sawi theih a la ni lo.

Ten Hag-a'n tlarhnunga an buaina chinfel theihna a neih beiseiin, kum 18 mi hi sum tam tak sengin an lalut, hliam vanga a chawl leh reng si a nih chuan an duh angin season bul an ṭan thei leh dawn lo tihna a ni ang.

Season thar inbuatsaih nan Man United hian tukin dar 7:30 hian La Liga club Real Betis an hmachhawn - Manchester City nen Community Shield an khelh hmain Liverpool an la hmachhawn leh dawn bawk a ni.