Ram 43 ten medal la tawh

Paris Olympic 2024-ah khawvel ram hrang hrang 206 an inlan a, chung zinga 43 te chuan medal an la tawh - nimin tlai thleng kha chuan gold medal pasarih la tawh Japan chuan hma an la hruai mek - inelna hi neih chhunzawm reng a nih avangin an dinhmun a inthlak thei bawk.

Olympic dangte ang bawkin United States leh China chu na taka inel leh tura ngaih an ni a, inelna hun a la tam avangin ram ropui pahnih hian an dinhmun an la siam chho dawn chauh tih pawh a chiang a, a tawpah chuan a chungah an awm leh ngei a rinawm.

Gold medal lak theih 329 awm zinga 57 chu lak a ni tawh a, India chuan bronze medal pahnih a la ve tawh - medal pahnih hi silai kah huang aṭanga hlawh chhuah a ni.