Goal khung hnem ber Rahimi

Olympic football, mipa inelna huang bikah match 24 khelh tawh niin, goal 65 ngawt a lut tawh a, match khata goal 2.71 zel lut ang a ni - team zinga goal khung hnem hi France, USA leh Japan an ni a, match thumah goal sarih ṭheuh an khung tawh.

France leh Japan hi an tlarhma an hriam tluk zetin tlarhnung lam pawh an khawng ṭha a, tun inelnaa clean sheet nei ram pahnih niin, goal an chhuah lo ve ve. Ram pahnih hi group stage aṭanga teh chuan final luh phu khawpin an ṭha.

Mimal goal khung hnem ber ni mek chu Soufiane Rahimi a ni a, kum 28 mi forward hian tun inelnaah goal li a khung tawh. Morocco international hi an senior team tan chuan vawi 10 chiah a la inlan a, Olympic lamah Under-23 tan a vul mek.

Rahimi hi UAE Pro League club Al Ain tana khel lai a ni a, season hman zawh takah khan match 40 khelin, goal 23 a khung.