West Ham-in Fullkrug an duh

Premier League club West Ham chuan Borussia Dortmund striker Niclas Fullkrug lakluh an duh a, German club hi inbiakna an neihpui mek.

Kum 31 mi striker hi Euro khelh zawh takah khan Germany tan inlanin, goal hnih a khung a, season hman zawh takah khan Dortmund tan inelna hrang hrangah match 46 khela goal 16 khungin, assist vawi 10 a nei.

Hei mai a ni lo - Dortmund chu Champions League final hial a hruai thleng a, mahse, Real Madrid ngam loin an tlawm. Germany tan vawi 21 inlanah goal 13 khungin, Dortmund tan season khat chiah a khel hman.

Season hmasa khan Dortmund hi Werder Bremen aṭangin pound maktaduai 12.6-in a zawm a, Bundesliga club hian an chhuahtir phal ang em, tih chu zawhna a ni.

Julen Lopetegui hnuaia season hmachhawn tur Hammers hi nipui transfer-ah an bazar nual tawh a, Spanish coach hian tlarhma thuam chak a duh avangin Aston Villa forward Jhon Duran pawh an dawr mek.

Hammers hian Manchester United full back Aaron Wan-Bissaka pawh an rim mek a, anni bakah hian Wolves captain Max Kilman chu £40mtd-in an la lut tawh a, goalkeeper Wes Foderingham leh Brazilian winger Luis Guilherme an la tawh bawk.