Biles leh a ṭhian ten gold medal la

Simone Biles telna United States hmeichhe team chuan gymnastic team inelna huangah gold medal an hlawh chhuak a, tun inelna bul an ṭan dan a fuh leh ta hle.

Rio Games 2016-ah khan Biles hian US tan medal ṭhahnem tak a hlawh chhuak a, khawvel hriat hlawhin Olympian hlawhtling berte zinga mi a ni, mahse Tokyo Games an neih ṭum erawhin rilru lam harsatna vangin a buai.

Japan khawpuiah khan a tawp lamah inelna chu a hmachhawn ta tho a, medal la mah se khawvel leh a bik takin American mite beisei a phak lo. Tokyo Games zawh hnuah zawimuangin a lo kir leh, tunah chuan ṭha takin inelna a hmachhawn leh thei ta a ni.

US team coach Cecile Landi chuan, "Tun ṭumah pakhatna kan nihna hi a hlu, a chhan chu Tokyo Games-ah khan hetiang inelna huangah hian pakhatna kan ni phak lo," tiin a sawi a, a naute chet danah a lawm.