Elneny-a'n Al-Jazira a zawm

Arsenal midfielder hlui Mohamed Elneny chuan Al-Jazira a zawm tih a chiang ta. United Arab Emirates club hian X (Twitter) kaltlangin Elneny hi an lalut tih an puang.

Kum 32 mi Elneny hian season hmasa tawp rual khan Gunners tana a contract a hmang zo a, kum riat chhung hun a hman tawhna Emirates Stadium chhuahsanin, man nei loin a duh zawng club a zawm thei a ni.

Tunah chuan Elneny hi Egypt tan Paris Olympic football khelin a feh chhuak mek a, an ramin Spain 2-1 a an hneh hnu lawkah Al-Jazira chuan an player thar chungchang hi an tarlang.

Elneny hian kum 2016 khan Swiss club Basel aṭangin Arsenal a zawm, khatih laia a man zat chu pound maktaduai nga a ni. North London club tan khan match 161 khelin FA Cup a chawipui a ni.