Mizoram an chak

Junior Boys' National Football Championship for Dr B.C Roy Trophy 2024-25-ah Mizoramin nimin khan Uttar Pradesh 4-1 in an hneh a, Odisha-in Uttar Pradesh (3-1) an hnehna zat aiin Lalrozama Fanai hote chakna zat hi a tam zawk.

RKM Ashrama Ground-a inkhelah Mizoram tana Zoramdinthara (8') goal khung chu UP-in Sameer Khan (36') hmangin sut mah se inkhel thununtu Rozama hote tan Lalrammawipuia (45+3'), Lalzarzokima (53') leh C Lalkhawngaiha (83') ten an khung belh.

Mizoram hian UP hneh mah se Odisha laka 3-2 a an vanduai avangin group stage paltlang loin an tla.