Kawng dik zawhtu Djokovic

Novak Djokovic chuan a vawi khat nana Olympic gold medal lak a tumna lamah kawng dik a zawh chho mek a, tunah chuan harsatna lian tham tawk loin quarterfinal a in vaw kai ta.

Nilaini zan last 16 inkhelah Serbian star Djokovic hian German mi Dominic Koepfer chu 7-5, 6-3 in a hneh. A match lehpekah chuan Greek tlangval Stefanos Tsitsipas a hmachhawn leh ang, a harsa chho dawn ṭan tihna a ni.

Djokovic hian Grand Slam nomawi 24 tehmeuh a vaw chhuak tawh a, mipa player zinga nomawi lian tham chawi hnem ber a ni - mahse Olympic gold medal erawh a la nei lo thung.

Kum 37 mi a ni tawh a, a vanglai a herliam ve mek - Paris Olympic bak hi chu atan infiamna khawmpui lian bera inlan a remchang tawh kher lo ang. Chuvangin a hun ṭha hnuhnungah hian hlawhtlin a duhna a sang zual dawn hle a ni.