Everton defender thar O'Brien

Tun nipuiah club hralh an tumna tlawlh mah se, Everton-in a tikimtu ringawt nih an tum lo - tun nipuia an player lakluh pangana ni turin Lyon aṭangin centre-back Jake O'Brien chu pound maktaduai 16.4-in an lei a, kum li chhung atan contract an ziahpui.

Kum 23 mi defender hian season hmasa khan Lyon tan inelna hrang hrangah match 32 a khel a, goal nga khungin assist vawi hnih a nei. O'Brien chuan, "Premier League-a club sulhnu nei ropui tak tana khelh hi ka lo mangphan ṭhin. Ka tan chuan a phurawm takzet," tiin Merseyside club a zawm chungchang a sawi.

Everton hian tun nipui transfer-ah Republic of Ireland international O'Brien hma hian Aston Villa midfielder Tim Iroegbunam (£9mtd), Marseille forward Iliman Ndiaye (£15mtd), Napoli midfielderJesper Lindstrom (loan) leh Leeds United winger Jack Harrison (loan) te chu an la lut tawh.