Cherries-ah Juve defender lut
Bournemouth chuan Juventus defender Dean Huijsen chu pound maktaduai 12.8-in an la lut a, a khelh ṭhat dan a zirin a man hi £15.3mtd thlenga sang chho thei tur a ni.
Kum 19 mi defender hian kum ruk chhung atan contract ziakin, January 2024 khan AS Roma chu loan-a khel turin a zawm - Roma tan match 14 khelin goal hnih a khung a, Juve tan chuan match khat chiah a khel hman.
Netherlands-a piang niin, age level-ah Under-19 thleng chu Dutch team tan a khel a, mahse, a naupan laia an pemna Spain tan U21-ah chuan a inlan thung.
Bournemouth chief executive Neill Blake chuan, "Ani ang player theihna nei sang, kum rei tak chhung atan kan la lut thei hi kan lawm hle," a ti.
Cherries hian Premier League-ah a tikimtu mai nih an tum lo. Huijsen hma hian loan-a an hawh sa Luis Sinisterra chu £20mtd-in Leeds United aṭangin a nghetin an la tawh bawk.
Anni bakah hian Getafe forward Enes Unal (£13mtd), Wellington Phoenix goalkeeper Alex Paulsen (£850,000), Sheffield United striker Daniel Jebbison (£1.5mtd) leh Portsmouth forward Koby Mottoh (free) te an la lut tawh.