Chaltlang aiin Zarkawt an sâng zawk

Samsung 3:16 Plan Solution Mizoram Super League zan hnihnaah Chaltlang aiin Zarkawt an hawisang zawk a, Zarkawt BCA-in Chaltlang Ryders 91-75 in an hneh.

Hawla Indoor stadium a inkhel Zarkawt BCA leh Chlatlang Ryders te inkhel hi MSL match thum awm tawh zinga team pahnih score tamna ber a ni.

Aizawl venghlun leh venglian pahnih inkhel an ni a, an boruak pawh a sang hle. Inkhelh ṭan tirh aṭangin team pahnih an inhlau lo tawn a, an innawr tawn zak zak. An inthlau lo hle. Mahse, inkhel a rei tawlh tawlh a, Zarkawt BCA lamin an 'shooting' neih ṭhat an lan tir a, Chaltlang-in an tuar. 4th quarter-an khelh thlen meuh chuan Chaltlang tan beisei tur a awm tawh lo tluk a ni a, Zarkawt-in sang taka hmahruaiin hnehna an chang ta a ni.

Zarkawt BCA tan captain David Lalruatfela a khel ṭha a, a naute tana entawntlak hnutchhiahin points 15 lai a hlawhchhuak. Ramthar rawlthar Zorinsanga che vel a hmuhnawm a, a team tan points 18 a hlawhchhuak. Ramhlun North tlangval Michael F.Lalawmpuia pawh a che ṭha a, points 13 leh assists pathum lai a nei thei.

Chaltlang Ryders tan an captain Lalmuanpuia Zote-in captain a nih chhan a tilang a, points 29 lai Chaltlang Ryders tan a hlawhchhuak a, a team-te erawh a chakpui zo lo.