Afghan an tlawm leh ta

Afghanistan in ICC World Cup an khelh hmasak berah chak hmel an hmu hleithei lo a, an match hmasa berah Bangladesh in an sawp hnuin Pathianni zing khan Sri Lanka hmaah an tlawm leh ta.

University Oval Cricket ground, New Zealand-a inkhelah hian Afghanistan hi a bat hmasa zawkah ṭangin over 49.9-ah an vaiin an out vek a, run 232 an tlin. Sri Lanka-in hei hi an um a, over 48.2-ah mi paruk hlohin run 236 an hlapchhuak a, wicket li in hnehna an chang.

Sri Lanka tan bowling lamah Lasith Malinga leh captain Angelo Mathews-te an che ṭha a, wicket thum ve ve an la. Veteran batsman Mahela Jayawardene-a'n a la upa lo tih a lantir a, kum 37-a upa batsman hian ball 120 a hmachhawnah run 100 tlinin century a siam.