Dempo aṭanga Brazil club zawm tur Romeo

24th February, 2015

Dempo SC player Romeo Fernandes chuan Brazilian club Clube Atletico Paranaense chu kum khat chhung atan loan in a zawm.

Romeo-a'n Brazilian club a zawm tur thu hi Dempo SC chuan vawiin khan an puang a, Goa rawlthar duhawm ber zinga mi hian Clube Atletico Paranaense u-23 tan a khel dawn a ni.

CAP International Affairs Director Luiz Greco chuan, "kan scout te'n India Super League kha uluk takin an lo vil reng a, Romeo hi player beiseiawm tak nia an hriat avangin kan club-ah hian kan lalut ta a ni," a ti.

Romeo club zawm thar tur Clube Atletico Paranaense hi Parana State, Brazil chhim lama club lian ber pawl a ni a, an khelmual Arena da Baixada chu 2014-a Brazil-in World Cup an thlen ṭuma World cup match khelhna zingah a tel nghe nghe.