Keeper-in a pet goal

Kartawp Bundesliga inkhelah Augsburg goalkeeper Marwin Hitz chuan a team tan goal a khung a, Bayer Leverkusen nen 2-2 in an inhnehtawk.

SGL Arena-a inkhelah Augsburg lam hi 2-1 an chak lo mai dawn a a lan laiin hun tawp dawn a an corner hmuhah goalkeeper Hitz hi goal thun tumin a tlan chhuak a. Corner aṭang a ball lo kal chu tauh goal lo mah se an goal lamah tlan let nghal mai loin goal hi a khung zui ta a ni.

Swiss keeper hian a team tan point khat hlu tak a hlawhchhuak a, table-ah point 35 hmuin pangna an ni mek a ni.

German keeper chawl tawh Frank Rost leh Jens Lehmann-a te hnua Bundesliga-a goalkeeper goal khung leh thei hmasa ber a ni.