Lyon-in hma an hruai leh nghal

Pathian zan khan Lyon-in French midfielder Nabil Fekir goal khat thun hmangin Nantes an hneh a, Paris Saint-Germain lehpelin hma an hruai lehnghal.

Lyon-in champion an tum ngei a ni tih an lan tir zel a, mualneitu Lyon hian inkhel thunun hneh hle mah se minute 67-naa Fekir-a goal khung bak goal dang an khung belh thei lo. Lyon tan Maxime Gonalons-a'n hun tawp hma hretin penalty a a hlah a, 1-0 in inkhel a tawp.

Kum 2007-08 hnua la champion leh lo Lyon-in kuminah champion an tum ruh hle a, Inrinni zan khan PSG-in Toulouse 3-1 in hneh avangin league-ah hma an hruai zawk a, mah se Pathianni zanah Lyon-in Nantes an hneh leh tak vangin hmahruaitu an inthlak leh nghal.

French Ligue 1-ah hian champion tura inum boruak a sang chho hle a, game 26 khelh tawhah hmahruaitu Lyon hian point 54 an hmu a, pahnihna PSG-in point 52 hmuin an hnuai chiahah Marseille-in point 50 an nei ve bawk.