Francesco Totti goal-in Roma a chakpui zo lo

AS Roma captain Francesco Totti chuan Pathianni zana Hellas Verona nena an inkhelh ṭumin goal khat khung mah se, Verona lamin Bosko Jankovic goal hmanga an chhan let avangin chak zawk awm loin an ṭin.

Stadio Marcantonio Bentegodi-ah kum 38-a upa Totti-a'n minute 26-naah Roma hmahruaina goal a khung. Mahse, goal luh aṭanga minute 11-na lekah Serbian striker Bosko Jankovic chuan Verona tan a rawn sut a, tun season-a a vawi nga na atana Roma tana goal khungtu Totti chuan a team-te a chakpui zo ta lo a ni.