Alonso damdawi inah a awm rih dawn

Pathiannia Formula One test drive an neihnaa chesual Fernando Alonso chu damdawi in panpui a nih hnuin hma a sawn chak hle. Mahse, a hriselna dinhmun hi la en reng ngai a nih vangin damdawi inah a la awm a ngaih thu doctor te chuan an sawi.

Kum 33-a upa Mc Laren driver hian Circuit de Cata­lunya-a test drive a neih naah bang su palhin hliam a tuar a, a rang thei ang berin damdawi in pan pui nghal a ni. A hliamte enfiah a nih hnuah hlauhawm a awm loh thu an puang.

Formula One champion vawi hnih lai lo ni tawh Alonso chetsual chhan hi hriat a la ni lo a, a car vang a nih leh nih lohah engmah fiahna a la awm loh thu Mc Laren hotute chuan an sawi.