Dubai a training nei turin QPR an zin

London club Queen Park Rangers chuan kar khat chhung training nei turin United Arab Emirates khawpui Dubai an pan.

QPR hian Premier League match an neih leh hmasak berah Tottenham Hotspurs an tum dawn a, Spurs nena an inkhelh hun tur hi Pathianni daih a nih vangin training turin Dubai an pan ta a ni.

QPR manager lailawk Chris Ramsey chuan, "Kan hmabakah match 12 khelh tur a la awm a, heng kan khelh tur aṭang hian a tam thei ang ber point kan hlawhchhuah a ngai a, chumi atan chuan training kan uluk a ngai a ni," tiin Premier League khelh chhunzawm zel an tum thu a sawi.

Ramsey chuan, "Tunhnaiah ruah a sur nasat avangin kan training ground-ah tui a tam em em a, training a harsa a ni. Hei hi Dubai kan pan chhan tur a ni pakhat bawk," a ti.

QPR hian vawi 26 khelhah point 22 an hmu a, table-ah 17-naah an awm mek.