Tlai vanga bul ṭan lo Mane

Southampton manager Ronald Koeman chuan an midfielder Sadio Mane -a'n Liverpool nen an inkhelh ṭuma bul a ṭan loh chhan chu inkhelhna hmuna a thlen tlai vang a ni a ti.

Pathianni zan khan Saints hian an khelmual St Marys' Stadium-ah Liverpool lo mikhualin 2-0 in an chak lo a, he inkhelah hian an regular player Mane chuan bul a ṭan lo. A aiah hian Benfica aṭanga loan a an hawh mek midfielder kum 23-a upa Filip Djuricic chuan bul a ṭan a, hei hian zawhna a siam avangin Dutch manager chuan Mane bul a ṭan tir loh chhan a sawi ta a ni.

Dutch coach rorum Koeman chuan, "Sadio Mane kha a tir aṭangin khel tura tih nimahse, stadium-ah khan thlen hun tur aia tlaiah a rawn thleng a, a rawn thlen tlai vangin kan khelh tir ta lo a ni. Dan leh hrai pangngai tak he club hian kan nei a, chu chu kan zawm ngei a ngai a ni," a ti.